Celia 孝敬母親 陪遊埠送金
陳靜師妹Celia K.今年母親節因要工作未能陪母親慶祝，不過她早已準備三份大禮，除親自下廚表達心意外，她為博母親一笑，直言會用銀彈攻勢，豪請母親出外遊埠。
o靚模Celia K.（郭穎兒）自入行後，平日忙於工作搵銀，甚少陪家人，過時過節同樣不放過吸金機會，今年母親節，她要到馬來西亞打碟，未能跟母親食飯慶祝。不過她為表孝心，早已安排了三重驚喜給母親。
平時入得廚房的Celia，日前即下廚炮製麥芽糖雞翼給母親品嘗，她說︰「今年會提早同媽咪慶祝，應該會煮大餐畀佢食，呢個係其中一款，希望佢食完之後甜甜蜜蜜。」
準備大出血
除了下廚煮番幾味外，去年密密吸金的Celia直言會買金送給母親，她說︰「上年做了不少騷，收入多咗，而且依家金價又跌，所以諗住用5位數送金畀佢。」錫媽咪錫到燶的她更打算請母親參加「豪華團」去旅行玩下，笑言要帶母親去shopping血拼，全程由她找數，她說︰「其實自己有啲內疚，咁耐冇同過媽咪一齊搭飛機去旅行，之前都只係畀錢請佢，叫佢同朋友一齊去，所以今年想同媽咪去玩。（叫佢同你一齊去馬來西亞？）之前有同佢講過，但佢話無興趣，反而想去日本。」
文︰專案組