Yumiko上海賽車最想捧盃
鍾情玩賽車的鄭希怡，日前專程到上海受訓練車，對自己駕駛技術信心十足的她，希望技術再次提升，將來擁有一部夢想的dream car，雖然去年跌落山坡弄傷頸脊部位，但沒有影響她玩賽車的樂趣。
曾經在慈善賽車盃中奪得女車手冠軍的鄭希怡（Yumiko），日前應邀與未婚夫Andy到上海國際賽車場賽車，她說：「兩、三個月後有個賽車比賽，我同Andy都會參加，今次大會特登搵個賽車教練教咗我哋兩日，我揸嗰架車成五、六百匹馬力，都好刺激。」自覺揸車夠辣的Yumiko，對賽車信心十足。
落場好安全
Yumiko去年在泰國跌落山坡傷及頸脊，參加賽車令好多朋友都很擔心，她說：「其實我好番晒，而且專業賽車比喺馬路上揸車安全，所以屋企人同朋友唔使擔心。」玩賽車比較重技術的Yumiko說：「當然都會想贏，但依家唔同以前，一落場唔會一味向前衝，會注重技術多啲。」
落場玩了兩日的Yumiko未有與Andy鍊車一較高下，她笑言：「邊個撞到邊個都唔好啦。」不過她盛讚Andy賽車經驗比她豐富，手車也比她好：「如果跟佢同場比賽，梗係叫佢讓我啦！不過如果贏盃我仲開心。」
恨有dream car
喜愛賽車的她dream car是林寶堅尼一款落場版跑車，Yumiko笑說：「嗰款車把聲最好聽，等我揸好啲，成績再進步吓，咁先有動力去買車獎勵自己。」
文：音樂組