正在美國遊學的歌手鄧紫棋（G.E.M.）昨日上載一條片段，片中她無懼甩褲危險，試玩空中飛人，成功後她更興奮舉起V字手勢。經理人張丹指G.E.M.到美國為下隻專輯尋找露感：「G.E.M.想試唔同嘢，佢有學演戲、跳舞，睇歌劇，為下隻碟做準備，（擔心佢出事？）唔擔心，有安全措施，不過佢落地嗰下打筋斗嚇親我。」另外早前有讀者指在美國影到G.E.M.與男友林宥嘉，張丹說：「有問過G.E.M.，佢話唔係。」
而G.E.M.昨日亦在微博搞笑地說：「經過兩個禮拜的沉澱，我已經為我的演藝事業找到了新的方向……我偉大的新計劃是：馬戲表演。謝謝各位。」