阮兆祥望福祿壽做港版SMAP
「笑匠」黃子華「回歸」無綫拍劇後，昨日聯同許紹雄（Benz雄）、阮兆祥（祥仔）及林子善於觀塘碼頭開工拍攝四子反目戲份，但鏡頭後四兄弟老友鬼鬼，更自稱是組合「Super Senior」，認真搞鬼！當中Benz雄的返老還童look非常凸出，直言令他自信爆棚，在旁的祥仔還大爆Benz雄深受少女歡迎，他說：「依家佢鍾意同啲十八廿二合作，連行步路都輕佻過人！」Benz雄亦不甘示弱：「機能好咗，唔駛食藥都得！」
提到早前有報道指近期紅爆的李思捷想單飛，福祿壽將面臨拆夥危機，思捷拍檔阮兆祥即否認其事，他說：「唔會拆夥，我哋三個一開始已經有共識，想做港版SMAP（日本組合），獨立發展又得，團體又得，拆夥傳聞亦唔會影響我哋感情。」