雨僑唔承諾嫁羅力威

歌手雨僑前晚與鄭融及HotCha到電視城為《勁歌金曲》錄影，雨僑早前被拍到殘樣食麵嚇親人，對此她坦言感傷心：「如果我冇化妝都唔緊要，最慘係化咗淡妝，我一食嘢就不顧儀態，連阿媽都話我抵死。」雨僑坦言幸好緋聞男友羅力威未有投訴過。
雨僑因被拍到殘樣食麵而感不快。
雨僑因被拍到殘樣食麵而感不快。

另外，雨僑昨日出席活動被問到報道指羅力威承諾娶她一事，她說：「佢只係話會結婚，無說會娶我，我也會結婚，但唔會承諾嫁畀佢，覺得唔使刻意去承認或否認戀情，到將來結婚時自然會公開。」她又承認剛與對方及一班朋友一起去完旅行。對於羅力威被指返港時在機場黑面結果遭公司照肺，雨僑笑言自己不會黑面。

鄭融（左）及HotCha都會出席陳僖儀的喪禮。
  • 鄭融（左）及HotCha都會出席陳僖儀的喪禮。