天華摘茄O嘴
曾志偉日前與謝天華、洪天明、金剛等到日本為「獎門人終極篇」拍攝，話明終極篇，他們當然「玩到底」，除了試game，眾人不忘吃喝玩樂，天華最難忘到超大番茄園即摘即食，坦言吃到凸腩要急着減肥。
獎門人曾志偉日前率領一班好兄弟、好姊妹謝天華、洪天明、金剛、高海寧、呂慧儀、江欣燕等到日本為最後一輯的獎門人節目拍攝，眾人興奮到福岡的溫泉區及番茄園試game之餘，多日來更吃個不停，個個變肥仔、肥妹返港。監製陳志球昨日於電話中表示新節目本月26日首播，更會以「終極篇」來命名，原則上是獎門人系列的最後一輯，當然志偉亦會打人情牌邀請老友上節目玩。
積極跑步減肥
有份參與拍攝兼吃喝玩樂的謝天華笑言在日本多日，吃到肚腩都凸了出來，現在要積極跑步減肥：「我哋去咗番茄園，嗰度有八個足球場咁大，好誇張，我咁大個仔都未食過咁好食嘅番茄，全部脹卜卜o架！」而向來只習慣一日吃一餐的金剛笑言此行一日多餐：「因為我本身好易肥，平時又好晏起身，基本上一日一餐，就係下午飯連晚飯一齊食，不過去到日本，同佢哋一齊，早餐連消夜一日食足６、７餐，真係肥咗好多。」另外，之前與他傳緋聞的Mandy Lieu大讚他，問金剛返港後會否與她私下約會時，他笑言：「唉！唔得閒呀！不過佢真係一個好女仔，性格都唔錯。」
金剛陪遊世界
講到今次是最後一輯獎門人，金剛指志偉都希望之後多點時間陪家人，做自己喜歡做的事，金剛又笑謂：「我覺得獎門人應該環遊世界，如果佢叫到我哋，我一定奉陪到底！」
文：影視組