鄭希怡上海落難使男人錢

身在上海的Yumiko前晚在微博留言錢包留在計程車上，希望有好心人檢到，只求歸還香港身份證及回鄉卡給她就可以，否則回不了香港。昨午她又留言表示找到計程車司機，惜找不到銀包，曾先後兩次到事發地點尋找銀包的她，奈何空手而回，她自嘲乃粗心大意的人，也該好好接受懲罰，並不忘感謝朋友們熱心轉發幫忙。

滯留五日

昨日Yumiko在電話中透露在上海疲於奔命來來回回報失、補辦證件，本來昨日她與未婚夫Andy一齊返港，如今她要獨自滯留上海，她說：「佢要做嘢，所以返香港先，銀包裏面有一萬元左右，唔見錢事少，但補領身份證、回鄉證、駕駛執照好煩，仲有信用卡，雖然我辦快證，但因為星期六、日關係，最快都要留五日先攞到證件返港，咪當探屋企人囉，（工作有冇影響？）都有工作，但可以調整，影響唔太大。」

當作懲罰

她自責今次要接受懲罰說：「我會好好反省吓，我成日當出面世界係自己屋企，周圍擺嘢，（Andy有冇話你？）冇喎，自己要受少少懲罰，因為佢幫我執過好多次，哈哈。」身無分文的Yumiko笑說：「感覺好正，因為終於可以靠男人，阿爸阿媽有畀錢我袋住，而男友臨走時都留咗啲錢畀我。」

文：音樂組