超瘦黃子華 頂住撐無綫
藝人黃子華昨日在將軍澳電視城為文偉鴻監製的新劇《My盛Lady》試造型，回巢為無綫拍劇的子華就好似返屋企一樣，以拖鞋短褲街坊裝亮相，不過，子華明顯消瘦不少，他澄清身體沒有問題：「監製都擔心我，好認真咁問我有冇事，我身體從來都ok，冇問題，只係keep fit，我都真係幾fit吓，依家130幾磅，係面瘦身唔瘦，胸肌與肚腩同在，都有個肚腩仔頂住。」
講到劇中對手徐子珊夥拍他感壓力，子華說：「我哋之前成班演員食過飯，啲女仔仲瘦呀。難得返嚟劇拍劇，到時會好長時間排練，希望到時佢哋唔會嫌多啦。」近期無綫劇集收視麻麻，似乎要靠子華振聲威，他笑說：「靠我就死得啦，套劇起碼要半年後先出街，TVB好強嘅，放心啦。」