揭裙風波 Wilson還我清白
日前有關「爆E超蓮」鍾采羲Iris在夜店耍樂時遭人揭高裙子，牽涉此事、與藝人何傲兒傳緋聞的Wilson，昨日開記者會，為當晚事件解畫。Wilson昨全程表現很有禮貌，但卻顯得緊張，記招前更合十祈禱，之後他說傳媒是正義的，只因當晚拍攝角度及光線才產生錯覺，他還帶備當晚夜店的閉路電視錄影帶，並含淚說：「其實我都猶豫咗幾日開唔開記者會，但因為報道後好多親友打畀我，令我承受巨大壓力。如果女仔揭女仔裙就係調皮玩吓，但男仔揭女仔裙就係另一回事，若我人格聲譽受損，對我前途影響好大，我唔想成世背負非禮罪名，如果第日見未來岳父都唔知點解釋。」
錄影帶以另一角度拍攝，果然發現揭裙的是另一女子，問Wilson是否認識該女子？他說不便透露：「希望大家唔好追問邊個揭Iris裙，（會唔會叫Iris幫手澄清？）要問當事人，好多嘢我都唔明白，不過佢冇指名道姓話我。」問Wilson是否何傲兒緋聞男友？他否認說：「我同佢係普通朋友，冇拍拖。」記者致電何傲兒，她謂事件後有傳短訊給Wilson，又指二人一直是朋友。至於事件主角Iris就顯然想息事寧人，只說：「唔想再追究任何人（Wilson開記招。）佢都係做佢想做嘅嘢。」
