莊思敏孤單33自嘲唔爭氣

莊思敏自從和吳浩康分手後，雖然先後傳出和林忠豪及葉念琛拍拖，不過日前33歲生日卻沒有男伴相陪，繼續單拖冇拖拍，更唔怕老套搵藝人沈卓盈做媒人介紹筍盤，可惜相睇失敗。日前莊思敏33歲生日，繼續單拖冇拖拍，生日翌日相約兩個妹妹莊思明和莊思華作伴開餐，怎知熱戀中的兩個孖妹各自帶埋男友赴會，莊思敏單拖對住兩對戀人，呢餐生日飯，可謂相當冇癮。

孖妹齊齊帶男友

前晚7時半思華和告崇恩率先到餐廳，未幾陳司翰單拖來到，發現記者即面露不悅，黑面直行，壽星女莊思敏則戴上黑框眼鏡在思明陪同下現身，一行五人食足兩個多小時，兩對情侶冤氣地陪莊思敏開餐。至9時40分陳司翰和告崇思先行步出，數分鐘後三姊妹一同離開，問到何以不同男朋友一齊走？三姊妹竟齊齊扮傻說：「邊個呀？」莊思敏其後表示兩男去了取車。

莊思華與男友告崇恩孖住到餐廳。	陳司翰與莊思明前後腳出現，但雙方所戴的情侶錶（圓圖）暗暗洩蜜。	莊思敏被《好報》拍得在沈卓盈介紹下與「壯男」約會。

思明情侶錶洩蜜

翻撻情侶陳司翰和莊思明雖然全程前後腳，但記者發現兩人戴住同款情侶錶，已暗暗「洩蜜」。昨日記者致電莊思敏緋聞男友葉念琛，問他為何不出席生日宴？他說：「吓！點解我要去？我知佢生日，但都唔需要去，啲新聞過咗去就過咗去。」而莊思敏被問到沒有邀請葉念琛亦說：「吓！點解我要請佢？（傳你哋拍拖嘛？）唔係真啦。（三姊妹得你單拖？）唔知點答，怪自己唔爭氣囉。」

文、攝：追蹤組