官恩娜收2,600萬撐場
歌手官恩娜（Ella）早前被《好報》踢爆有個富貴爸爸，父親為鑽礦礦主；昨日Ella胞妹官恩沂投資的珠寶店開幕，官父及Ella齊齊現身撐場；官妹樣子標青，小小年紀已當老闆，名副其實的美貌與智慧並重。
唔敢收男友戒指
Ella大讚比她年輕八歲的妹妹十分能幹，小小年紀已十分本事做老闆，她又自嘲沒有生意頭腦。戴上2,600萬元頸鏈和戒指的她表示十分驚喜，她說：「冇諗過妹妹送咁大條頸鏈畀我，（會唔會介紹圈中人畀妹妹？）會呀，第時有乜幫襯或贊助都可以搵我，我好似做咗代言人咁！」問Ella可有收過男友送的首飾？她笑說：「戒指唔敢亂收，亂收以為應承。（叫男友幫襯妹妹？）都好喎，不過唔好畀我知。」而官恩沂則表示父親分享了不少珠寶經給她。
唐貝詩獲升經理
此外，同場的寇鴻萍和女兒唐貝詩就一同現身，她大讚女兒工作認真，她說：「我啱啱升咗佢做經理，之前佢喺我公司只係做助手，人工仲係全公司最低，依家我乜都畀佢打理，不過我都有叫佢出多啲去玩，要玩吓平衡吓先得！」
文：名人組