王敏德前晚為I.T舉辦的ANNA SUI品牌活動擔任嘉賓，他表示經常送禮物給女兒及老婆，所以自己有20幾年買飾品的經驗。擁有個人時裝品牌的他表示大女曼喜在美國讀時裝，希望她會接管自己的生意，他笑說：「大女有自己諗法，成日畀時裝意見我，希望幾年後佢會接手生意，而且我十月會開女裝系列，主攻內地客。」
他又透露早前一家人到主題公園玩：「幾年冇一家人去主題公園玩，我迫老婆玩過山車，搞到佢大叫同想喊，真係唔知佢喊定笑。」
