Amanda S.會中田老公呷醋
名模Amanda S.與英國名模Chloe Frankie Peers一同出席活動，Amanda透露下月中是與老公相識十周年紀念，屆時會一起回意大利及法國老家探望家人，可會趁機造人？她笑說：「都會，不過我覺得自己仲係BB，所以唔知幾時生，我唔怕年紀大，好多女人都過咗40歲先生BB。」
早前她被拍得與日本前國腳中田英壽撐枱腳，原來中田轉型做清酒生意，問到同樣做飲食生意的她可會跟對方合作？她表示若將來擴充業務也有合作的可能。記者問到其老公得悉二人聚會可有呷醋？她聞言即說：「當然唔開心，唔好話未結婚，結咗婚仲大男人，不過老公都見過佢好多次，（中田有冇追過你？）我哋識咗八年，我覺得冇，佢識我嗰陣我已同老公拍緊拖，too late，（即係佢唔夠你老公爭？）都唔係，佢質素都好好，只不過當我同一個人拍拖時個心唔可以share，所以冇諗過，如果今日冇男友冇老公會考慮！」