JJ勝在大方雨僑閃縮
歌手羅力威跟緋聞女友雨僑結束六日東瀛之旅後齊返港，兩人表現避忌，分開出閘及以友人作掩飾，被傳媒捉個正着時，羅力威聞雨僑之名即時黑面兼唉聲嘆氣，又自嘲沒新聞價值！雨僑就避談同房疑雲，反觀同是前晚回港的冤氣情侶賈曉晨（JJ）與樊少皇，則大方笑住報行蹤，幸福滿瀉。
羅力威、雨僑上周三（4月24日）被拍得在香港機場一齊出發到日本，入閘前羅力威更亂丟煙頭，有欠公德心。前晚兩人度完假自日本返港，為免張揚，「羅雨」在友人陪同下各自由不同閘口步出。
避答是否同房
雨僑於11時30分左右現身，比羅力威早兩分鐘出現，她風騷的說是跟朋友旅行，問是否包括羅力威？她沒否認：「同大班friend囉。」但拒答是否拍拖及同房，再追問之下，她才說：「我答唔答都畀人笑啦！（有指羅力威亂丟煙頭？）我唔可以代答問題，都忘記晒。（點解同羅力威分開出閘？）我同佢住唔同地區。」
另一邊閘口步出的羅力威見傳媒如見鬼，更暗呼「哎吔」，問他是否和雨僑去日本？他反問傳媒兩次等了多久，得知等了五個鐘時，他自嘲說：「冇必要等我五個鐘啦，我冇乜值得等五個鐘，我講真o架。（你同雨僑玩得開心？係咪曾經丟煙頭？）無可奉告。」是否和雨僑同房？他苦笑說：「呢啲嘢冇乜人會關心。（你係出名歌手。）唔係囉。（幾時公開認拍拖？）ar……真係無可奉告。」更「體貼地」對傳媒說：「收工啦，咁夜，其實我何德何能要你等咁耐！」
黯然按着額頭
羅力威急步走向機鐵方面時，傳媒表示已接了雨僑，他面色黑上加黑，他轉往搭升降機，當升降機門快關上前，黯然的羅力威手按額頭，似乎感頭痛。
在「羅雨」出閘前，於10時45分，JJ和推住行李車的樊少皇先在機場拍拖經過，有男友做「阿四」的JJ冧笑自爆自北京度假回港，為着趕車未能和傳媒詳談，表現大方得多。
文：音樂組