莊思敏速開形象學校

名模莊思敏（Jacquelin）再度榮升老闆娘，與星級化妝師Kenneth及星級髮型師Roy合資開辦Image School，日前在正式開業前舉行了簡單的拜神儀式。Jacquelin透露今次投資七位數字，秉承她的一貫作風，由構思到開業也不超過一百日，她笑言：「我呢啲向來係百日宴，今年農曆新年前有呢個構思，同朋友講起一拍即合，之後就開始搵地方。我哋每人投資六位數，單係宣傳費就用咗好多，原來喺小巴登廣告係一年計，所以淨係小巴嘅廣告費已經要幾十萬。好在電視廣告得到唔少朋友幫忙，慳番一大筆。」
莊思敏親力親為，投資生意從來無靠屋企人資助。
莊思敏親力親為，投資生意從來無靠屋企人資助。

Jacquelin又稱已邀請名模好友包括姚書軼、何紫綸、馬詩慧以及歌手李蕙敏擔任導師。她透露已跟不少機構傾好合作計劃：「我哋會同荷里活一間著名嘅特技化妝學校合作，可以送啲學生過去學化妝，又會同內地公司合作，有旅行團過嚟學化妝。」問她是否鑑於模特兒及電影行業不景氣而分散投資？她否認：「反而唔係，我今年電影成績幾好，我想趁自己有能力搵錢嘅時候試多啲唔同嘅生意，萬一失敗都仲有方法去賺錢，我投資做生意從來無問過屋企人資助。」

莊思敏與化妝師Kenneth（左）及髮型師Roy開Image School。
  • 莊思敏與化妝師Kenneth（左）及髮型師Roy開Image School。