詹瑞文化身MJ抗鵬哥爆肚
詹瑞文昨日在中環一所畫廊為nowTV節目《星級診症室》進行錄影，一頭潮人金髮的他，透露即將夥拍盧海鵬在紅館開騷，他表示：「今次會同鵬哥搞個扮嘢騷，大家都知我鍾意突破，希望集合我哋兩代嘅扮嘢經驗，有不同嘅風格，搵新嘅挑戰！」
重現經典
詹瑞文透露一向出名模仿羅文的鵬哥，在今次演出定必會重現經典，大唱《幾許風雨》，而他亦是羅文粉絲，有可能會和鵬哥同場battle扮羅文！記者問到二人會否互相出題目考對方的扮嘢功力？他就笑言：「好提議！鵬哥應該都會扮小鳳姐，我都要扮個女歌手先！」詹瑞文指一代舞王Micheal Jackson（ＭＪ）是他模仿的對象之一，剛巧現場有ＭＪ的畫像，他隨即拿着合照。
即興發揮
鵬哥出名轉數快，問到詹瑞文怕不怕對方臨場爆肚亂說話，他表示不怕之餘，還大讚前輩鵬哥「乜都得」：「你知佢好多口頭禪同歇後語，最好佢即興，畀佢自由發揮，傾嘅時候都好多驚喜！我真係獲益良多！」
文：影視組