城城篤爆Charlie處女身

與熊黛林（Lynn）七年情告終的郭富城（城城），昨日於深圳觀瀾湖出席由楊采妮（Charlie）首次執導的電影《聖誕玫瑰》宣傳活動，雖然大會事先聲明禁止記者談及感情問題，但城城全程表現風騷，心情似乎未受影響，他除了向下月23日生日的Charlie贈送玫瑰形蛋糕外，又祝賀Charlie勇奪下屆金像獎的「最佳新晉導演」獎：「我就唔會有提名o架喇，惟有祝福你啦！」受訪時，城城更向Charlie大講有味笑話：「佢係處女，處女拍戲呀！」他又笑對方揀得獎演員拍其處女作，分明是想推自己攞獎，非常醒目。

心郁郁做導演

至於城城未獲提名今屆「金像影帝」，問是否心情仍大受打擊？他大笑道：「有冇打擊？過咗去就算，我祝福Charlie，第一部電影有獎好重要，見佢咁用功，自己都想做導演。（搵強勁班底？）呢啲唔使講。（想攞影帝先再做導演？）唔識計，計唔到嘅嘢唔好去計。」城城透露為好友拍片未有收「友情價」，並獲Charlie加雙倍人工，並抵死道：「咁做朋友先有意義，所以我推晒其他嘢拍呢套戲。」不過，他大呻被Charlie糟質，為拍該片他既要食煙，又要拍水底戲，事後更咳足一個月兼患肺炎，城城又笑言：「可惜Charlie冇着bikini跳落水，如果慶功叫佢着三點式，我負責嗌Action，佢跳落水，觀眾實好期待！我幫佢買bikini啦！」語畢，Charlie即尷尬笑謂：「我冇應承，但好好笑！」對於城城埋怨拍水底戲時又冷又冇暖氣，她解釋：「其實嗰陣係夏天，不過佢都不辭勞苦，對白又長，好辛苦。」

Lynn分享美景

另邊廂的Lynn昨於微博上載照片，並謂：「新加坡，很美，很舒服，好想在這裏多待幾天。」遠眺風景的她，似乎仍未走出分手陰霾。