區瑞強大把人情卡有排碌

區瑞強（Albert）一連三場「區瑞強好友情演唱會」前晚順利完成，好友森森、斑斑、曾路得、羅大佑及陳百祥等擔任嘉賓。Albert表示希望擔任嘉賓的好友可以展露真性情，他與阿叻合唱《昨夜的渡輪上》後，自爆常到阿叻家中食飯，又大讚對方唱得：「佢唱得頂呱呱，有啲歌我都唔夠膽唱！其實佢都有好多慘況，有次去佢屋企，黃杏秀打緊牌，阿叻就半夜走落嚟話要去澳門練馬，嗰陣日日都係咁！」

唱得比阿倫好

而阿叻就指Albert是伯樂：「我45歲時Albert搵我唱歌，阿倫咩都唔識做，淨係識唱歌，我就咩都識，所以讓咗唱歌畀佢，我跳舞一定好過佢。」說畢即笑爆全場。阿叻續說：「以前我同Albert腰圍一樣30吋，估唔到依家同曾志偉一樣36吋，不過我係長褲佢係短褲，有次我喺化妝間聽到服裝師問佢腰圍同褲長，佢答兩樣都係36吋，咁同毛巾有咩分別？」隨後阿叻獨唱《Smoke gets in your eyes》，掌聲如雷，觀眾更大讚阿叻唱得比阿倫還要好！

區瑞強多謝曾路得擔任嘉賓。

森森、斑斑兩姊妹獻唱。

唔阻兒子入行

Albert受訪時直言想每年都舉行個唱，提到個唱反應熱烈，問到可有打算開part 2？他坦言未有想過：「因為伊館要一年前book，十幾個老友不容易搵晒，好似阿倫、阿叻同志偉難就檔期，我半年前已經搵定志偉，個個朋友都係一呼百應。（碌盡人情卡？）未，如果真係碌晒唱廿場都得，我好多朋友！」而Albert與兩兒子合唱時眼濕濕，並言他們唱得OK，問到會否讓他們加入娛樂圈？他說：「唔會阻止，如果佢哋真係鍾意我可以畀意見佢哋，但唔會刻意安排佢哋入娛樂圈。」

文：音樂組