張家輝困車墮海險浸死
張家輝拍戲搵命博，被困入水車廂中差點窒息，狀甚恐怖﹗雖然工作人員見狀目瞪口呆，但當事人竟然要求重拍，事後還氣定神閒表示不擔心人身安全，只被海水低溫所嚇怕，果然藝高人膽大。
家輝近月為寰宇新片《掃毒》趕工，導演陳木勝對他要求愈來愈激，前日下午更拉隊拍攝一場汽車墮海、家輝被困車廂掙扎求生的戲份，部分劇照隨即在互聯網曝光、見家輝被水壓迫得面貼後座擋風玻璃，狀甚辛苦，成功脫險後頭部卻被壓在車門隙縫中，分分鐘假戲真做隨時窒息。不少網友指他工作態度專業，紛紛留言叫小心。
海水凍難頂
家輝昨午接受電話訪問時卻一派氣定神閒：「我拍咗咁多年動作戲，如果覺得自己做唔到，一定唔會夾硬嚟。不過當時海水好凍，呢樣係最難忘嘅。陳木勝好好，為顧及我嘅人身安全，喺旁邊準備咗隻駁艇隨時stand by，工作人員手持水底攝錄機潛入海中，捕捉畫面最傳神一面，我覺得效果好好囉。」
而陳木勝對家輝捱冷感心痛：「可能翻風關係，天氣真係好凍，佢浸喺水度幾個鐘頭，凍到牙關打震，好多工作人員都叫我唔好拍咁耐，我覺得呢樣嘅危險度，比佢困喺車廂更加嚴重。其實有啲take我已經收貨，反而係家輝問可唔可以再嚟一次，佢真係好盡責同專業。」
家輝忙拍《掃》片同時，還要抽時間參與新片《激戰》的後期配音工作，原來該片將有10分鐘片花安排於康城影展曝光，以吸引海外版權洽購者。至於家輝與郭富城主演的《同謀》票房約一千萬，難怪家輝開心表示：「有咁嘅成績都好滿意，多謝大家畀面支持。」
文：影視組