李思捷腦力有回報

李思捷主持的節目《玩嘢王》口碑甚佳，首集收視有18點，而上周六播映的第二集上升2點，相當不俗，思捷昨接受電話訪問時自言會「萬歲」請工作人員吃飯，公司亦會搞祝捷會。他又大爆第三集中，會玩到一位一線女藝人爆喊：「佢簡直嚇到暈咁滯，喊到飛起，我都唔知點樣補償好，請100餐飯都唔掂，我諗我要娶佢做老婆，養佢一世。」對於《玩嘢王》被指抄襲網上整蠱節目，他坦言各有風格，網上節目限制不大，可以加粗口，但自己喜歡家庭式節目，每集平均用一個月時間度橋。此外，通訊事務管理局方面收到9宗投訴，指第二集的女鬼畫面嚇親小朋友及灌輸錯誤觀念；無綫則收到3宗投訴，同樣指女鬼內容恐怖。