張學友成日「見」肥姐
肥姐契仔張學友在肥姐紀念演唱會的記招上表示，未知會否反串扮肥姐，卻說由欣宜來扮會最神似：「佢有時會流露出肥姐嘅動靜同神髓。」同場的欣宜亦自覺說話語氣似足媽咪。
對於被曾志偉取笑屆時會做「咪霸」？學友搞笑還擊說：「佢講啲嘢好冇新意，啲人過咗60歲，講嚟講去都係嗰啲嘢。」學友又驚爆不時「見到」肥姐：「成日喺電視見到佢。（有報夢？）夢就少啲，我唔敢講咁多啦，我驚肥姐返嚟『星』我呀！」又說肥姐生前最愛聽他唱金曲，今次的演唱會就是將開心精神延續下去。提到何守信對紀念騷有微言，學友認為應該是誤會。