陳淑芬扯火封殺壹傳媒
陳淑芬（陳太）早前為故友張國榮（哥哥）舉行10周年紀念音樂會及展覽均搞得有聲有色，卻遭《蘋果日報》以「陳淑芬遭何B轟掠水」為題抹黑，陳太昨日終忍不住炮轟壹傳媒集團報道失實，宣布全面封殺該集團旗下刊物，以後凡她個人主辦的活動均不歡迎壹傳媒集團採訪。而何守信亦承認當日所言並非指陳太，是對事不對人！
一班圈中好友為悼念肥姐離世五年，特別挑選今年6月1日肥姐生忌在紅館舉行紀念演唱會，昨日肥姐愛女鄭欣宜、曾志偉、阿姐汪明荃及契仔張學友現身「開心果永遠欣想妳」記者會，而當晚還有任賢齊、草蜢、周華健等廿多位藝人任演出嘉賓。
剛為哥哥舉行完逝世10周年紀念活動，亦是肥姐紀念演唱會主辦機構之一的陳太，對於惹來「斂財」是非，加上肥姐生前拍檔何守信曾說：「如果有人係為中飽私囊就好反對，佢自己一定會遺臭萬年。」更被《蘋果日報》以「陳淑芬遭何B轟掠水」為題。
炒作人遺臭萬年
昨日陳太在記者會上坦言相當不悅：「其實當時我喺上海根本睇唔到嗰間（報紙）嘅新聞，都係朋友覆述我知，佢（指何守信）係話如果有人用紀念活動嚟斂財係遺臭萬年，咁我一定唔會遺臭萬年，嗰位一定唔係講我，而係執筆同炒作嘅人『遺臭萬年』。」陳太更謂毋須聯絡何守信，因所言非她。
陳太重申為哥哥搞紀念活動是完成歌迷的心願，有多位巨星同台去紀念他是一件美事，哥哥是完美主義，故他的騷製作絕不「馬虎」及不惜工本，製作這份大禮是對哥哥的十年承諾，毋須用作搵錢：「根本冇二千萬收益呢回事，整個製作認真，花費巨大。」陳太即場展示內地歌迷給她的感謝卡，並說：「咁耐啲咁嘅報道都係得嗰一間，所以我決定以後我主辦嘅活動，壹傳媒旗下刊物，都唔歡迎佢哋嚟採訪，佢哋唔係報道真相，所以歌迷要睇就睇其他報紙。」
何B：我唔係講佢
另方面，記者昨訪問何守信，他對陳太之言大表認同，他說：「佢冇講錯，當日我確實唔係講佢，我只係針對事，冇針對人。」
而曾志偉表示被邀出席肥姐演唱會的統統都冇「托手(月爭)」，扣除必要開支會捐給福幼會。汪明荃大讚肥姐為人敬業不計較，疼愛欣宜，令她感動，望將肥姐的開心精神延續下去。今次是否義演？阿姐說：「冇諗呢樣嘢，我願意就會去做，佢個女想投入呢行，就應該支持佢。」對於陳太被指斂財，阿姐力撐陳太為人。
至於欣宜前晚出席電台活動時，對亡母的紀念騷獲多位媽咪生前好友出錢出時間做騷，令她十分感動。談到何守信早前的言論，欣宜說：「可能何B師傅唔係好了解，個騷可能會蝕o架，如果賺會捐去慈善機構。」對指其父鄭少秋不獲邀出席，她說屆時父親不在香港：「冇所謂嘅，如果我開騷佢唔嚟就話啫！」
文：音樂組