絕迹影壇 陪囝囝成長
近年活躍於社交圈的李嘉欣，繼日前出席完品牌活動後，後日將現身最近成為熱話的「橡皮鴨」活動，看來已絕迹大銀幕。雖然近期影壇力邀多位經典女星復出拍戲，不過已為一子之母的嘉欣，似乎對此未感興趣。
嘉欣經理人陳善之昨日接受電話訪問時，透露嘉欣現時把所有時間，放在兒子Jayden及家庭上，他謂：「之前同嘉欣傾偈，都有傾開呢個問題，但嘉欣認為呢個階段係最重要，對個小朋友第時點樣睇呢個世界都會有影響，佢會同囝囝講故事，唔想錯過囝囝成長過程，兩母子想多啲互動，（就算劇本吸引都唔拍？）應該冇嘢比個仔更吸引，（會生多個？）呢樣嘢又冇傾到喎！」