琦琦撇女遊英騎馬補數
剛與老公任達華自英國回港的名模琦琦，日前出席網站BKRM活動，她表示是次與老公享受二人世界，女兒任晴佳沒有詐型，她笑言每天都會跟囡囡視像電話，以及傳相給她看：「我又買咗佢最鍾意嘅書同一盒糖果畀佢，佢會同朋友或同學仔分享。」她稱七月同囡囡去英國學騎馬補數。
另外，琦琦表示正籌備購物網站，問到好友Lisa S.快將分娩，她笑說：「到時佢哋會搞baby shower，佢鍾意名牌小朋友衫，但Daniel（Lisa丈夫吳彥祖）就唔畀佢買名牌童裝，因唔想個女咁細個就物質化。」至於有否留意郭富城與熊黛林的「分」訊，她坦言感到可惜，作為朋友只給予支持，認為工作是治療情傷的好方法。