千語拒合照 Rose唔稀罕

昨晚黃百鳴、吳千語、陳嘉桓（Rose）及冼色麗等現身大埔亞視總台，出席第十屆全球華語大學生影視獎頒獎典禮，兩位林峯情人同場難免成為焦點！穿紅色裙騷長腿的Rose先到場，她透露與師傅冼國林任頒獎嘉賓，不怕現身亞視會被無綫封殺，提到與情敵千語同場，Rose即劃清界線說：「點會係情敵！係假o架！我都唔識佢（千語），關我咩事！（林峯有冇同你講七次愛你？）我哋只係拍過一次MV，冇特別傾偈，我好愛我自己，聽過家人講愛我，其他人好少講。」

問她會否介意與千語合照？Rose提議邀請師傅一齊影，恰好此時千語現身，記者即邀兩人合照，豈料千語助手與她耳語後即拉她離開，氣氛尷尬！問到Rose會否覺得對方小器？她說：「可能大會冇特別安排。（唔想識佢？）有合作先識啦！我身邊好多朋友，唔使識新朋友。（做唔到姊妹？）我夠晒朋友！」

Rose（左）等待合照時，千語在助手拉住下，於黃百鳴眼前離開。	許瑩開胸上陣，性感爆燈。	Rose與千語相遇，卻沒有互打招呼。

相遇互當透明

其後千語被問到為何避開Rose？她支吾以對：「佢哋話要Briefing吖嘛！（搞到Rose好尷尬？）我冇睇到，只係見到一眼佢喺右手邊。（認識？）公開場合見過幾次面，傾過一、兩句偈。（再合照？）冇問題嘅。」不過，錄影期間，千語與Rose迎面相遇，但二人擦身而過，沒有打招呼。

對於再有新花名「七愛」？千語表示得啖笑，身旁的黃百鳴說：「BB好聽啲，我叫隻狗都係BB，親切啲，七愛似粗口。」對於《好報》踢爆她與林峯租住半山愛都大廈同居試婚，千語解釋只是有朋友在附近居住：「冇同居！佢（林峯）唔喺香港，都冇去嗰度！（拍拖後身價三級跳？）我不嬲多工作，只係之前喺內地。（成日有新名牌袋？）自己搵到錢買嘢好正常。」

同場的亞姐許瑩身穿黑色晚裝中門大開，她笑言也覺得胸前坦蕩蕩：「都有啲唔好意思，我唔想性感搶人鏡，鍾意端莊大方。」

文：影視組