掀裙底足構非禮罪
當眾掀人裙底，究竟該當何罪？律師黃國桐指要根據事主意願而界定罪行：「若果女方表示係喺不同意嘅情況下被掀裙底，佢係可以告男方非禮。本身『掀裙底』呢個行為已經構成非禮罪，就算冇身體接觸，因為男方係有意圖地做，無論當事人定係第三者都可以告佢非禮。只要任何一方追究事件，警方會調查犯事者並擬定一份心理報告，如果佢精神有問題，會被強迫接受精神治療，若果心理報告冇問題，就會被判即時監禁，最高刑罰入獄五年。」
若女方表示同意行為，則會另作公眾地方不檢罪處理，黃律師續說：「如果個女仔話冇問題，同意對方嘅行為，事件就會界定為公眾地方行為不檢罪，即係引起公眾嘅不安，刑罰係罰款一萬元同入獄六個月。」