梁慧恩唔做闊太 揸兜搵食
梁慧恩（Viann）入行至今對自己的工作要求很高，就算結了婚事業心依然沒變，對於不少人認為女人嫁人便不用工作的想法很不認同，覺得結婚亦可繼續為事業拚搏、進修學習，家庭、事業與學業三方面全兼顧，熱衷推動環保的她，更希望帶起昔日「揸兜」買飯的熱潮！
Viann去年五月與富二代林忠豪堂弟林忠澤結婚，婚後Viann仍繼續專注演藝工作，對事業有一股幹勁，但可惜有不少人卻「誤解」Viann嫁入豪門不用做，令Viann大呼冤枉，她謂：「呢件事真係好冤枉，好多人都有咁嘅錯覺，我經理人幫我傾工作，唔少人第一反應係『佢仲做o架？』其實結婚同工作根本無衝突，我本身真係好鍾意工作，如果要我唔做嘢日日行街High Tea，最多一個月已經會頂唔順，我喜歡工作帶畀我嘅挑戰同成功感，所以結婚都唔會放棄事業！」
棄用膠盒保護環境
Viann除了工作亦持續進修，現為香港中文大學地球系與地球信息科學系哲學博士研究生，對環保當然甚有心得，垃圾分類固然是基本，Viann還直言想帶番起昔日「揸兜」買飯的熱潮：「我哋細個嘅時候，父母都係揸住啲鐵兜、盒去買外賣，只要個盒整得美觀實用，大家真係可以考慮再用嚟買外賣，好過係咁用塑膠盒、杯碟，真係會好破壞環境。」
文：影視組