許雅婷喪鬧溫碧霞

個性樂觀開朗的周秀娜師妹許雅婷（Kabby）最近首次拍攝電影，在《o靚妹仔》2013年版本《微交少女》中飾演溫碧霞（Irene）的反叛女兒，年僅18歲的她處女拍戲即獲如此機會，加上只得一星期揣摩劇本，Kabby直言緊張得失眠，幸得「母親」溫碧霞提點：「Irene姐開解我，話搵我做就係因為我夠『o靚』，戲入面我哋成日鬧交，我開頭唔敢，佢就叫我放膽鬧佢！」Kabby表示溫碧霞全程當她如親生女般看待，更幫她掃背揼骨，令她受寵若驚，大讚對方超級好人。