何超儀遇魔術手撥亂反正
歌手何超儀（何超）向來率直行事，對儀容不會太介意，所以之前到日本築地拍攝日本番茄汁飲品KAGOME廣告時，髮型被海風吹到變雀巢都毫不介意，不過，廣告導演就用CG技術執靚佢，令超儀大讚該導演「魔術手」十分厲害！她謂：「呢個導演係日本音樂大師坂本龍一旗下之導演，曾經為中田英壽拍廣告，今次我哋喺海邊拍廣告，個頭一直吹到亂晒，整咗好多次都唔掂，最後要靠導演用CG特技執番，出到嚟嘅效果仍然咁自然。」
首次與日本團隊合作的何超亦大讚工作人員服侍周到：「佢哋好細心體貼，特登改裝架巴士畀我化妝、換衫用。」超儀今次拍廣告，遇上「魔術手」導演將她變靚靚，又有巴士做「變身地方」，難怪超儀對今次拍廣告讚不絕口！
何超又表示已購得張國榮、梅艷芳及羅文等巨星的某些歌曲版權，將多首經典作品重編成她的新歌，並製作成一隻專輯碟，以示對一眾前輩的致敬。
場地：Wired Cafe @ Hysan Place
化妝：Ling Chan @ ZING the make up school
髮型：KeithWo@AGLOW PRAVITEI SALON