雷頌德爆側田 自閉冇脾氣

Mark最近獲主持人俞詠文（Angela）邀請，擔任《娛樂 onShow》的嘉賓。身為三子之父的他，被問想不想追多個女？Mark即斬釘截鐵地說：「梗係冇啦！要諗之前都諗咗，但出嚟都係生仔，都冇得估嘅。」

醉心創作絕不偏心

作為音樂人，Mark曾為不少歌手作歌，問會否偏心某一位歌手？他即嚴肅地說：「冇喎！首歌為嗰個人作就係畀嗰個人，所以冇偏心呢啲事發生。」不過Angela當然不放過機會「打蛇隨棍上」，繼續打聽他與歌手合作的秘聞，她說：「側田有冇發過你脾氣？」Mark雖然否認，不過他卻大爆側田性格有少許自閉：「佢冇發我脾氣，因為佢做音樂好開心，反而做宣傳唔開心！因為佢有少少自閉，同我有啲似，所以當佢見到多人，就會驚同有少少唔舒服！」

在俞詠文「逼供」下，雷頌德大講明星秘聞。	雷頌德讚側田熱愛音樂，但認為他性格有少許自閉。	小方與鄧麗欣一直被喻為金童玉女，雷頌德睇兩人好快結婚。

方力申鄧麗欣絕配

不經不覺，Mark入行已二十年，最近密鑼緊鼓籌備作品展。邀請的嘉實極具分量，除天王天后黎明和陳慧琳外，更有「金童玉女」方力申和鄧麗欣。問Mark會否看好小方和鄧麗欣有情人終成眷屬？他說：「我睇好佢哋，覺得幾襯，而且佢哋亦都係好隨和嘅人，唔會有一個特別激氣，又冇話有一個人特別要話事。」

文：專案組