李思捷陳雅倫繼續約會
李思捷被指與47歲的師姐陳雅倫撻着，而思捷昨日於電話中表示二人相識二十年，視對方為家姐。他說：「我以前喺多倫多登台時已經識佢，一齊唱過歌，一齊去蒲，飲咗酒攬頭攬頸都會，做嘢咁辛苦一定要玩。」說到有指兩人互上對方的家，思捷謂：「咁有幾出奇呀！佢上嚟我屋企，叫我阿媽煮飯佢食，（你唔係同春卷同居？）唔係。」他說會與陳雅倫飯照食、照去玩。而陳雅倫昨日亦不避忌於微博上載一張喬寶寶暫別香港派對的合照，坐在隔籬的便是思捷。
此外，陳雅倫昨亦就緋聞回應大家只是認識十多年的好朋友，而近期因為李思捷開設的公司跟她有合作，所以不時一大班人上雙方屋企開會，她說：「我同思捷公司嘅拍檔都係好朋友，佢哋想我同佢哋一齊合作兼搵我拍電影，所以大家都不時會一大班人去李思捷或我屋企開會！其實我同謝天華、徐偉棟等都好好朋友，唔明點解男女之間正常做朋友都會傳緋聞。」
