周秀娜愛「潛水」 追求者慢慢等

「宅男女神」周秀娜自宣布與拍拖六年的男友陳偉成（Avis）分手後，感情生活一直是大眾焦點。雖然娜姐被指受情傷致暴瘦，但她坦言早已拋低過去，在覓得一位「on call 24小時」的新男友前，暫時以卡通公仔慰寂寥。
雖然回復單身，但娜姐工作排得密麻麻，根本沒時間拍拖。
雖然回復單身，但娜姐工作排得密麻麻，根本沒時間拍拖。

人非草木，娜姐回想與Avis過去的六年情時坦言曾感可惜：「嗰陣時係會覺得可惜，當兩個人相處成為習慣，又或者對住好鍾意嘅一份紀念品或物品，都會有感情。不過做人都要向前望，鍾意對方，同可唔可以喺埋一齊始終係兩回事！」

娜姐童心未泯，晚晚都要攬公仔瞓。
  • 娜姐童心未泯，晚晚都要攬公仔瞓。

否認厭食症

問到新的擇偶條件？娜姐笑言新任男友一定要忍受自己「潛水」24小時。她笑謂：「為咗做嘢，我成日都要周圍飛，如果要做我男友，佢一定要接受24小時，甚至突然之間搵我唔到，因為我依家忙到連父母都好少見。」

對於早前被指受情傷困擾，疑似受厭食症煎熬致暴瘦，娜姐坦言絕無此事：「我成日都好開心，亦好好胃口。其實做人最緊要開心，我依家擔任bossini服裝嘅代言人，連slogan都係『be happy』，而且品牌仲送咗我最鍾意嘅卡通公仔Winnie The Pooh畀我，晚晚攬住隻公仔就已經開心。而且我同Winnie The Pooh一樣都係咁鍾意食蜜糖，大家都係咁sweet。」。