官恩娜：我有男人病

官恩娜去年強勢加盟華納唱片，旋即獲力捧成為華納一姐。近日她推出加盟公司後首隻派台《So In Love》，請來師兄方大同及農夫的C君聯手炮製，誓要「先Sing奪人」。談到新歌，事業愛情兩得意的Ella，透露新歌是公司為她度身訂造：「首歌講好似我咁有事業又咁忙嘅女性，但對愛情仍然好有憧憬，公司覺得我好Full of love，又覺得市場好接受情歌。」

享受照顧人

與醫生男友拍拖4年多，感情穩定，Ella直言拍拖時享受照顧人，多過被人照顧，更稱自己更像男朋友：「我唔係黐身嘅女朋友，我覺得我似男朋友多啲，我唔會check男友電話，女朋友可能投訴對方唔打電話，但我唔會，我淨係忙到唔記得打電話。」記者笑她不是一般的「港女」，她即反擊說：「我係港女來㗎！我母語係廣東話，香港係我屋企，（「港女」通常係指女仔自戀、有公主病！）咁我又冇公主病，反而可能有男人病，哈哈。」

婚禮要中式

曾到英國留學嘅Ella給人有鬼妹仔的印象，但談到婚姻大事，她卻又很傳統：「我將來婚禮係超級簡單，着裙褂、斟茶畀長輩就一定會做，就算着褂戴金豬都接受到，因為我本身好鍾意中國嘢，好proud of自己係中國人。」不過，現在工作至上的Ella稱未有結婚大計，希望先以事業為重。

文：音樂組