鍾嘉欣比堅尼寫真收埋身材
無綫花旦鍾嘉欣昨日出席某珠寶展，穿上性感tube dress的她戴上價值3億3千萬港元的翡翠觀音首飾行騷。首次戴逾3億首飾上身的嘉欣謂：「我不斷摸住佢，因為好重，驚佢會跌，呢副身家真係好大、好難孭，但我覺得非常靚。媽咪好鍾意儲玉器，都有留玉鈪畀我。（嫁妝？）媽咪留咗啲龍鳳鈪、玉器翡翠畀我，第時都會傳畀個女。」
前晚凌晨由關島返港的嘉欣透露在當地拍首本寫真，問是否穿比堅尼？她說：「有，但有好多衫over個bikini，今次寫真唔係刻意騷身材，係想開心，去到關島陽光與海灘，冇理由着冷衫落水。最性感都係我眼神，因為我成個身入咗水，得個頭凸出嚟，所以都見唔到我着bikini。」問是否怕緋聞男友伍允龍詐型？嘉欣即尷尬稱「唔識答」。她又稱寫真於7月書展推出，有意捐出酬勞。