城城攻影圈笑對搶飯食

郭富城上月底完成「郭富城舞臨盛宴世界巡迴演唱會2013香港站安哥篇」後，前晚自掏腰包萬歲，請一班台前幕後到灣仔擦大餐及睇靚景。城城更變「人肉銀行」自動提款一樣，他說：「雖然今次係公司安排，但我喺後面全力支持，我打開銀包就好似銀行一樣。」

keep住狀態

問到可會乘勝追擊加開Part 3？城城暗示說：「個舞台仲可以繼續改，總之就永不休止。自己都會keep住最佳狀態，體能會保持得好好。」提到連陳奕迅也like爆他的弗爆身形？城城稱：「keep係要靠意志。好多人覺得完咗個唱要放縱，但我覺得開演唱會根本係一種享受，唔使休息。」

被封「舞台王者」的城城自爆完騷以來一直唔習慣：「好想走去紅館，已經離不開我生命嘅一部分，就好似音樂劇一樣，永遠做唔完。」他又透露日前因不滿意劇本而推了一部電影，但之後的方向會是電影為主，音樂為副：「我嚟緊會全力做好演員角色，雖然有人話我『搶飯食』，但我知佢哋係講笑。」

零提名唔介意

提到《寒戰》雖在金像獎橫掃9獎成大贏家，但兩位導演對於城城「零提名」而耿耿於懷，城城大方地說：「唔使介懷，獎項唔係人人可以控制到，丟低晒唱歌都未必有獎，每個人嘅路及plan都唔同。」

文：音樂組