洪子崎站穩陣腳進攻影視界
珠寶小姐冠軍洪子崎（Angelina）最近轉投新模特兒公司，成為Jocelyn師妹。她稱與dreamodel老闆娘Deborah Hung是好朋友，獲對方賞識，在Deborah的再三遊說下，最終加入其公司。
Angelina擁有四分一英國血統，自少便移民澳洲，3年前回港度假時被星探看中，自此成為模特兒，她說：「當時爸爸好反對，但我好堅持，最後佢畀咗三萬蚊我，佢話如果我用完呢三萬蚊都搵唔到錢養自己，咁就要返澳洲，當然最後我成功咗，我上年仲喺香港置業。」Angelina的雙親都是時裝設計師，她在澳洲也是修讀時裝設計，問她會否覺得浪費了自己的專業知識？她笑言：「唔會，我從讀書中學到好多嘢，而且你永遠唔知你將來會做乜，我依家都有為自己設計衫。」她稱除從事模特兒工作，有意嘗試電視及電影演出，而一直有寫美食blog的她是烹飪高手，也希望向這方面發展。
場地：星廚管理學校