Niki靠男人創時裝王國
藝人周麗淇（Niki）親自操刀設計鞋履，正式踩入時裝界。充滿雄心壯志的她，希望將來有機會設計男裝，作多方面發展。但原來她的終極目標是創立自己的時裝王國，更視時裝店I.T老闆沈嘉偉為學習對象！
藝人周麗淇（Niki）與鞋履品牌Jeffrey Campbell合作，更親自設計了一對布滿窩釘的四吋白色高跟鞋。昨日她親身示範該showpiece，更笑言：「用嚟防狼都得，因為好重。同埋冇人敢踩我，如果唔係要入醫院。」
讚沈嘉偉 視為目標
已第二次擔任設計師的Niki，透露不少朋友問她何時設計男裝，就連藝人謝天華亦是其中一人。問她曾否親自設計給男友？她大耍太極說：「依家冇男友，過去嘅又唔知邊個。」她自言視沈嘉偉為目標，因對方很有生意頭腦及時裝觸覺，很值得她學習，希望自己有天也能創立時裝王國。當記者笑言嫁一個時裝王國創辦人不是更直接嗎？她只回應：「隨緣啦，唔知呀。」
若被抽水 挺身而出
問Niki知否藝人陳茵媺傳於馬來西亞拍劇時遭南亞裔臨時演員假戲真做胸襲？她回應：「可能劇情需要。不過如果真係抽水，就要同導演講聲，唔好有下一個受害者。（你有冇試過？）冇，但試過同臨時演員合作，佢唔小心鎅到我流血。佢好緊張，喊住咁道歉，不過揩油就未試過。」陳茵媺則透過電話澄清沒有此事，並指報道失實，相片只是角度問題，並強調大家合作愉快。
文：名人組