馬浚偉昨日到電台宣傳新歌《心照》，已十年冇出碟的他表示仍有關心樂壇：「我聽時下歌手啲歌，唔會脫節，最睇好張敬軒、方大同等。」他透露五月將回無綫拍劇飾演軍醫，提到無綫劇集最近經常出「姦」計搶收視？他耍手擰頭說：「聽講黎耀祥會畀人雞姦，搞祥仔好啦，唔好搞我呀！」他表示只接受血腥重口味，並說：「唔好搞強姦戲同埋搞動物呀！」
對於前緋聞女友郭羨妮傳出婚變？他稱雙方不時有聯絡：「以我所知冇可能，佢好幸福快樂，佢應該係匿埋相夫教子。」
