基仔做定婚戒禮服

向來擅於設計服裝和卡通人物的歌手古巨基，早年已經榮升老闆，創立自家設計的服裝品牌，最近基仔又獲首飾品牌「金至尊」垂青，以七位數字酬金邀請他負責設計一個全新系列的鑽飾。

酬勞唔重要

首次接觸飾物設計的基仔昨日出席產品發布會，同場還有混血女模展示由他設計的珠寶。他表示自己獲委任為「超級創作總監」，除設計外，包裝、宣傳甚至店舖陳設都要兼顧，雖然身負重任，但基仔稱在過程中獲益良多。他說︰「酬勞唔係最重要，今次Project我放咗好多心機落去，出嚟嘅設計我好鍾意。」

除了設計外，古巨基還幫品牌拍攝廣告。

古巨基與模特兒一起出席發布會，大讚今次合作獲益良多。

自言現在已開始掌握到首飾設計技巧的基仔，問到會考慮日後的結婚戒指由自己操刀？他說：「我覺得可以，除咗婚紗外，其他嘢好似禮服咁我都可以自己做晒。」

設計花時間

不過基仔又稱如果樣樣由自己出手肯定要設計相當長時間，他笑說：「所以係就應該要設計定，如果唔係結婚先開始整，可能要等到80歲先有。」

文：音樂組