鍾嘉欣慳家醫肚 買鞋闊佬
向來慳家的鍾嘉欣，近期突然轉性愛「濕平」。日前嘉欣BB獨自現身銅鑼灣行街，於鞋店內左試右試，最終豪氣購下三對心水靚鞋。雖然她買鞋出手闊綽，但講到食依然慳家，滿足完購物欲後，撞正晚飯時間，她到零食店求其買餅乾及水醫肚。
現年29歲的無綫花旦鍾嘉欣，樣子清純，入行多年都予人鄰家女孩感覺，形象健康，故被網友封為「嘉欣BB」。早前她為代言的美容中心拍廣告，更鮮有穿比堅尼上陣拍宣傳照，令人眼前一亮。最近嘉欣BB看似豁出去，除破例性感外，更不時主動開腔大談緋聞男友伍允龍。
晒美腿左照右照
向有慳妹之稱的嘉欣，近期還忽然轉「慳」性，日前被發現瘋狂掃鞋。當日傍晚約七時，穿短裙及中褸的嘉欣獨自現身銅鑼灣一間鞋店，她先在店內逛了一圈，然後挑選多對靚鞋坐低試穿，當中有高踭鞋、涼鞋及平底鞋等。見她試完一對又一對，又不時伸出美腿埋鏡左照右照，店員亦捧住幾盒鞋給她慢慢試。
短裙試鞋冇走光
雖然嘉欣BB穿上短裙，但試鞋時十分謹慎，全程保持儀態，未有春光乍洩。試了約半小時，她最終扑錘購下三對心水靚鞋，認真豪爽。由於當時落住雨，其司機醒目上前為她擔遮兼取戰利品。之後乘七人車前往灣仔，嘉欣BB單拖落車，隨即進入附近一間零食店，求其買了一支水及餅乾醫肚，認真慳食唔慳買。
文、攝：追蹤組