婷婷聞「分」訊：冇所謂

謝婷婷與安志杰Andy拍拖以來一直糖黐豆，婷婷更不時公開稱讚男友，絕不怕肉麻。但據知這對小情侶近日情海翻波，早前婷婷獨自到紐約學戲，回來後又再到意大利旅遊，而全程Andy都沒有同行，跟以往二人形影不離大有出入。

昨日婷婷出席活動時，就自爆剛從意大利返港，Andy未有同行，因為他在美國的姐姐結婚，故現身在美國，問婷婷何以不一起飛美？她說：「因為我太忙喇，而且佢之前接咗四部戲都好忙，大家夾唔到時間！」

婷婷與安志杰一直非常恩愛，但近日有傳二人情海翻波。

謝賢承認好耐冇見安志杰，但相信女兒懂處理感情事。

早前傳出二人今年結婚？婷婷聞言淡然地說：「未諗到邊個月做到，當我冇講過啦，（會唔會好失望？）依家工作緊要，其實我哋未真正商量過，次次講講吓佢都off咗個話題，婚都未求過！」記者問怕不怕唔結婚就會「分」？不諳中文的她竟說：「冇所謂，（分手喎？）咁都冇得怕，兩個人開心就得！」

四哥唔覺可惜

其實二人拍拖以來一直存在分歧，但每每Andy都會讓步，旁人總認為二人只是耍花槍，不過今次情況似較嚴重。求證二人的共同助手「丹桂」？對方亦不欲多言，只承認Andy的確身在美國，還有一段時間才回來。

記者再致電婷婷父親謝賢，對於女兒分手一事？他說：「唔係啩？不過我唔理仔女事，佢咁大個識得處理，（幾耐冇見Andy？）好多個月喇，（可惜？）呢啲係人生必經階段，冇話可唔可惜！」

文：名人組