周家蔚盼老公留港拍劇
周家蔚昨日出席家庭用品活動，透露前晚一家三口為曾志偉慶祝生日，由於湊仔關係提早離場，留下老公洪天明做代表，沒料擔任派對司儀的他，竟然於半夜醉住回家，令她要照顧兩個「仔」，笑言派對當日一眾嘉賓也玩得相當盡興。
談到天明稍後將到橫店拍劇，家蔚透露無綫近日有意找他拍《飛虎2》，不過兩劇均於6月開拍，故天明只能選其一，她謂：「當然希望佢可以留香港，咁佢又黑黑實實，都啱《飛》劇造型，同埋又可以戴我代理嘅軍錶，希望無綫唔好收我廣告費啦！」而產後兩個月的她，似乎修身尚有進步空間，家蔚扁嘴表示已減了廿磅，對於被拍到巨躉照，她謂：「係我不自量力着短褲，以後唔會，前幾日仲喊，因為磅來磅去都係一樣重，但老公一方面話同我一齊做運動，另方面就成日叫我食好嘢。」