阿Sa內地返港 中招發燒

近日內地華東地區爆發H7N9禽流感，令到圈中北上工作的藝人均小心防備，提防中招！圈中鐵人阿Sa剛自內地返港昨日忽告病倒，即惹來H7N9疑雲，而阿Sa亦不敢怠慢，在媽咪陪同下前往睇醫生，證實只是虛驚一場，睇完醫生後的她更即日開工，果然「打得」！

飛人感冒終倒下

昨日阿Sa助手在微博上載一張顯示38.5度的探熱針照片，並留言說：「深圳回港，飛人阿Sa終於倒下（發燒），希望可以盡快退燒。」記者即時致電阿Sa問及發燒情況，她透露原來前晚Twins在深圳出席《音樂風雲榜》，Twins並獲頒「演藝風尚大獎」，當時阿Sa已覺不適但並未發燒，因要表演及負責頒獎，所以決定力撐到底。

阿Sa在助手陪同下抱病入閘，飛往北京。

阿Sa前晚已覺不適，仍堅持支撐到底，專業精神可嘉。

好拍檔鍾欣桐（阿嬌）得知阿Sa不舒服後，即時叫她多飲水及少活動，並在表演前一刻才由酒店出發，希望阿Sa能爭取更多休息時間。而阿Sa亦幸不辱命撐至完騷，惟返港後終告不支病倒，更因發燒令人大為擔心。

Twins獲頒「演藝風尚大獎」。	阿Sa在田亮督導下苦練跳水多時，現要展開拍攝。	蔡媽媽陪伴愛女阿Sa往求醫。（資料圖片）

昨午阿Sa在電話大派「定心丸」，表示自己並非染上H7N9禽流感，她說：「已經食咗藥休息緊，但仲發緊燒有38.5度。啱啱媽咪陪我去睇咗醫生，醫生話唔係H7N9，只係操勞過度，又去咗人多嘅地方，所以惹咗感冒。」其後阿Sa打針食藥後，已告退燒。

預防措施戴口罩

阿Sa雖然病倒仍然工作至上，稍作休息後昨晚即飛往北京，預備參與拍攝跳水電視節目《中國星跳躍》。昨晚約7時，阿Sa與助手及一眾工作人員現身香港機場，只見她身穿厚衣、一臉病容，惟見到記者時仍友善揮手。問到她到北京會否擔心H7N9禽流感？阿Sa沒精打彩的說：「我都病咗啦。（有冇咩預防措施？）冇呀，出入戴口罩啦！」其後便步入閘口準備登機。

文：專案組　

攝影：追蹤組