超儀怕膠面打針等吓先
何超儀昨日出席代言的Kagome番茄汁試飲活動，並即場向市民派發番茄汁，她笑言年紀開始大，會更注意飲食，表示飲了代言產品四個月，覺得皮膚比之前更有彈性。她又爆老公會把飲品溝酒飲，但她飲酒會令皮膚生粒粒，故很少陪老公飲兩杯。問到會否在臉上打針美容？她坦言：「未諗，但我敢打。（驚唔驚變膠面？）驚，希望有新配方。（開刀呢？）最好唔好啦。（如果要整，會整身體邊個部位？）減肥同增高囉。（胸呢？）仲整大啲？太過分啦！（老公有冇暗示唔滿意你邊度？）佢覺得我好perfect！」
另外，提到有報道指陳山聰飛去倫敦找何超雲箍煲，超儀即笑言要黎明上身，拒作回應，並笑說：「黎生有冇嬲我咁講？一係我今日做陳奕迅啦！」
