鄺美雲珍藏巨鮑饗Dorian
鄺美雲（Cally）與時裝設計師何國鉦（Dorian）感情要好，兩人雖然沒有正式上契，但感情猶如姊弟般，上周五Cally便為「契細佬」慶祝生日，除拿出珍藏四個巨鮑外，更親自下廚，炮製巨鮑生日宴。
原本22日才是正日生日的Dorian，上周五由「契姊」做搞手，並借出剛搬進的新居為Dorian提早慶生，向來愛熱鬧的Dorian，過往年年生日都愛大搞，但今年只邀請了廿位朋友出席，包括藝人陳煒，Cally男友林達民也是座上客，Dorian昨日在facebook上載當晚的生日照片時，即惹來不少好友問個究竟，昨日他說：「因為今年我沖太歲，原本唔想搞生日，但Cally好好，話同我搞，所以唔係叫咗好多人。」
隻隻手掌咁大
是次飯局的主題為花，每人都規定要穿花衫出席，為增加氣氛，席間眾人定下多個獎項，壽星公的花衫和花長褲，結果成功奪得「最佳衣着大獎」，認真高興。而生日宴由Cally一手包辦，並拿出珍藏多年的巨鮑宴客，Dorian說：「我哋之前成日去佢屋企，都會攞啲巨鮑嚟影相，可能Cally見我哋影得多，今次搵個藉口煮咗嚟食，煮咗四隻，隻隻成個手掌咁大，（呢餐咪好貴？）唔平，最緊要係Cally煮鮑魚好美味，好多人未必知，其實佢煮嘢食好叻，一個人煮咗十幾味餸，遲啲佢會推出烹飪書添！」
林達民着花tee
他說與Cally私底下感情要好，工作上亦合作無間，經常合作做珠寶騷，他更儼如Cally的御用設計師，為她設計過多襲晚裝，兩人私下互稱家姐細佬，Cally亦曾提議正式上契，Dorian笑言：「我已經嗌緊佢男友做『姐夫』啦！」是次飯局林達民亦湊熱鬧穿起花tee來，由於甚少穿花衫的緣故，故各人一致公認他獲「最創意大獎」。
文：名人組