已為人母的女藝員陳自瑤（YoYo）昨日出席親子活動，她透露已為將近一歲的女兒報Playgroup，問到囡囡有否扭計？她說：「有少少喊，但表現算唔錯！」
YoYo透露已復工拍劇集《巾幗梟雄之諜血長天》，此劇有強姦戲，她透露被蕭正楠（Edwin）意圖強姦，對方出力扯爛其上衣，累她露黑Bra，YoYo說：「全場都呆晒，估唔到扯爛咁逼真！（向老公王浩信備案？）佢知有呢場戲，但唔知咁犀利。」至於Edwin接受電話訪問時笑言要投入角色，並向浩信及YoYo致歉：「我係擰轉面做，扯完先知發生咩事！佢反應好真實！」
