志偉包場趕客 鞠躬道歉

最近「獎門人」曾志偉不停舉行活動慶祝60歲生日，昨日他與近300名好友在迪士尼樂園包起「反斗奇兵大本營」、「灰熊山谷」及未開幕的「迷離莊園」三區開私人P，大會展示告示牌宣布「下午四時後留給私人活動」，並驅趕旅客離開，大批小朋友因未能入場而失望「扁晒嘴」，工作人員即派貼紙安慰。而攜同妻女到樂園的蕭定一同樣被拒進入場，問到會否覺得不公平？他無奈地說：「唔會，下次囉！」

闔府統請溫馨派對

傍晚時分，志偉一班好友先後到場，包括同日生日的黃杏秀、陳百祥、梁家輝、張學友、鍾鎮濤（B哥）一家、關淑怡、陳寶珠、文頌嫻、孟瑤、佘詩曼、錢嘉樂一家、洪天明一家等。志偉表示到樂園開派對，因近年不少朋友均生了BB，希望闔府統請：「想同小朋友多啲接觸，難得封咗三個區畀自己人影相，好溫馨，個個慈父樣出晒嚟！（點收費？）樂園話我代表到香港，畀咗優惠價。（自己畀？）梗係！（幾多錢？）唔係好清楚。」對於令不少遊客失望，負責活動的梁靖琪（Toby）解釋網上早已公布，志偉則鞠躬表示「唔好意思」，又豪氣稱可請他們再來。問到會否跟米奇老鼠對飲？他笑言：「我識你老鼠！（會醉？）問啲我唔知嘅嘢，但我會喺度瞓一晚。」

呂慧儀、湯盈盈、孟瑤、周家蔚、文頌嫻、梁靖琪

前晚志偉獲子女錫面祝賀。

關淑怡送神秘禮物

關淑怡拒絕透露送甚麼禮物，問到何不帶兒子同行？她說：「唔想佢畀人影，做父母要尊重佢意願。」學友從衫袋中取出紅紙表示已捐錢當禮：「祝志偉健康，佢係無可取締。（唱歌？）未知呀！（B哥帶埋結他！）佢去廁所都帶o架啦！」B哥、天華及祖藍均表示預了飲醉，佘詩曼希望可抽時間跟志偉旅行，金剛則笑言會送上其簽名相。

關淑怡準備神秘禮物，送給密友。	佘詩曼盛裝到場。	學友祝願志偉身體健康。
邱淑貞(中)	志偉「長高」又晒肌與賓客合照。

此外，志偉前晚出席金像獎大會慶功獲送生日蛋糕，女兒寶儀及兒子曾國祥親吻其臉龐，志偉自爆最近為開P狂醉，笑言「人唔抖肚都要抖」，而問到太太被拍到出席慶祝活動時，他說：「咁高興就同大家分享下啦！」

文：影視組