偉仔點名讚 杜汶澤開心過攞獎
張家輝與杜汶澤失落金像獎影帝寶座，卻大方出席相關慶功宴戥人高興，風度十足。家輝受訪期間戲言「有賭未為輸」，並自言輸在timing：「套戲年頭上映，等咗咁耐，好似件衫洗完，乾咗又再洗濕咁，邊度有人仲想着呀？」家輝透露今年將有不少他主演的高質素電影陸續出籠，相信明年會捲土重來。談到被黃秋生揶揄其身高，家輝笑謂：「咁佢幼稚啫，高又唔係大晒！」
杜汶澤獲偶像梁朝偉點名力讚「開竅」，令阿澤驚喜非常，並認為今次能與對方齊齊入圍角逐影帝，已是「夫復何求兼榮幸」。對於頒獎禮上與秋生「互動」，阿澤謂：「佢係黃秋生，真係講咩都得，佢算錫住我o架喇。（佢加盟英皇，你哋同一屋簷下！）老闆咁大盤生意，日日買咁多貨，我點過問呀？恭喜佢加盟囉。」阿澤太太田蕊妮於微博讚老公因獲偉仔讚賞而開心過攞獎，行為可愛。另外，失落影后的江若琳只睡了3小時，昨早便回內地繼續開工，並連夜於網上轉貼，鳴謝贊助商為她悉心打造金像獎造型，甚有大將之風。
