DaDa成功轉型 剖白「待嫁心情」
憑《低俗喜劇》中的「爆炸糖」一角，陳靜（DaDa）首度提名金像女配角便一擊即中，DaDa在頒獎禮結束後旋即趕往慶功宴，她對獲獎感意外，雖然冇諗過攞獎，但她直言心底有所期待：「一路有朋友話對我有信心，有姊妹一直陪住我，令我有待嫁嘅心情，到目前為止重要過將來結婚嗰日。」
雖然DaDa早前失落金馬獎，但如今獲頒金像女配角，當上首位成功轉型的o靚模！DaDa興奮說：「好開心行到屬於自己嘅路，（唔再性感？）唔會，我冇諗過，要努力演好角色，做好本分，（加價？）呢啲要問經理人。」DaDa透露在得獎時看到台下的媽媽嚇到呆咗，令她想快些落台攬住媽媽。
