吳國敬開騷膠膠聲

吳國敬和鄧建明前晚在九展舉行《Man's Icon Concert2013》演唱會，請來多位嘉賓撐場，包括前港姐何婉盈、劉以達、太極樂隊和BIG FOUR，不過張衞健就未有現身，鄧建明更與何婉盈合唱。阿敬被BIG FOUR取笑食住香口膠如何唱歌，他笑言：「所以我已經吞咗四舊膠！」蘇永康即搞笑說：「咁你咪成肚膠？你真係膠勁！」
BIG FOUR與吳國敬玩到癲。
BIG FOUR與吳國敬玩到癲。

完騷後阿敬表示為了演唱會打類固醇針開聲：「前幾日胃酸倒流，灼傷咗聲帶，頭先綵排都仲未開到聲，惟有即刻去打針。」對於好友張衞健被胞弟力數不是，阿敬說：「我同佢細佬由細識到大，都擔心佢，佢應該去睇專業人士紓緩情緒，就算冇錢都唔應該搞到家嘈屋閉。」

鄧建明與何婉盈拖手合唱。
  • 鄧建明與何婉盈拖手合唱。